Jamu 56 hadoŭ. Sioleta ŭ spadara Žebraka vyjavili rak levaha broncha, jon da apošniaha zmahaŭsia z chvarobaj.
Valeryj Žebrak. Fota z facebook.com.
Rodam Valeryj Žebrak z Vaŭkavyska. Jahony baćka Michaił byŭ u svoj čas deputatam Viarchoŭnaha Savieta BSSR, upaŭnavažanym pradstaŭnikom Biełarusi ŭ SND (1993—1997). Baćka jašče žyvy, mienavita jaho apošnija hady dahladaŭ syn — heta było jahonaj asnoŭnaj pracaj.
Da hetaha Valeryj Žebrak byŭ elektrykam. Jeździŭ na zarobki ŭ Maskvu i Chanty-Mansijsk. «Baćka zaŭsiody byŭ demakratyčnych i patryjatyčnych pohladaŭ, kolki siabie pomniu», — kaža jahony syn Illa Žebrak.
Spadara Valeryja nie stała 19 žniŭnia, jamu stała kiepska, kali pryjšoŭ da daktaroŭ. Pravaachoŭnyja orhany ŭsio jašče nie nazyvajuć pryčynu śmierci. «Moža być, rak, a moža, serca», — kaža syn.
Maładafrontaviec Źmicier Daškievič havoryć, što Valeryj Žebrak amal štopiatnicu paśla tałaki ŭ Kurapatach pryjazdžaŭ va ŭročyšča na svaim basiku, kab vyvieźci brusy, abrezki, usio, što zastavałasia paśla ŭstalavańnia kryžoŭ.
«Jaho adnojčy zatrymali z raściažkaj «Kurapaty — daroha śmierci», ale spadar Valeryj zmoh zrabić usio, kab pratakoł nie skłali», — raskazvaje Daškievič.
