Hałoŭnyja abjekty maršrutu ekskursii:
— miesca, dzie stajaŭ budynak, u jakim 1920 — pačatku 1930-ch znachodzilisia redakcyi hałoŭnych litaraturnych časopisaŭ respubliki, dzie pracavali i pieryjadyčna źbiralisia piśmieńniki (Biadula, Hlebka, Klaštorny, Kaluha, Krapiva, Čorny, Łužanin, Pušča, Mryj, Chviedarovič, Čarot i inšyja);
— budynak Narkamata aśviety i Inbiełkulta, dzie zaraz znachodzicca pomnik Maksimu Hareckamu, da jakoha pry žadańni možna budzie ŭskłaści kvietki;
— dom, u jakim žyŭ dziaržaŭny dziejač, narkamaśviety Anton Balicki, rasstralany jak nacdem;
— jašče adzin dom Inbiełkulta, dzie prachodziŭ Pieršy źjezd litaraturnaha abjadnańnia «Maładniak», šmat z udzielnikaŭ jakoha byli paźniej represavanyja, u t. ł. rasstralanyja ŭ noč z 29-ha na 30-je kastryčnika 1937 h. Anatol Volny, Aleś Dudar, Michaś Zarecki, Todar Klaštorny, Jurka Lavonny, Michaś Čarot;
— dom, u jakim žyŭ dramaturh, teatralny krytyk i paet Vasil Šašalevič.
Inšyja litaraturnyja miescy Miensku 1920-30-ch
Sustreča ŭ 12:00 la ŭvachodu ŭ kniharniu «Centralnaja» (pr. Niezaležnaści, 19)
Ekskursija biaspłatnaja, ale prosim zarehistravacca ŭ hetaj huhł-formie!