Mužčyna padpaliŭ chatu z sužycielkaj i dziciom u Čašnickim rajonie, paviedamlaje Śledčy kamitet.
27 vieraśnia 36-hadovy mužčyna ŭ adnoj ź viosak Čašnickaha rajona padčas svarki z sužycielkaj padpaliŭ dom, u jakim znachodzilisia žančyna i jaje małaletniaja dačka. Adbyŭsia vybuch. Vybuchovaj chvalaj žančynu ź dziciom vykinuła z chaty praź dźviery, abvinavačanaha — praz akno.
Mužčyna źnik u lesie kala vioski. Praz dvoje sutak supracoŭniki milicyi jaho zatrymali.
Akazałasia, što mužčyna chacieŭ źniščyć sumiesny nažytak, pry padziele jakoha i ŭźnik kanflikt.
Mužčynu ŭziali pad vartu. Rasśledavańnie kryminalnaj spravy praciahvajecca.
0
0
0
0
0
0
