Jandeks.Nadvorje pačało pakazvać u Biełarusi kartu apadkaŭ. Na karcie vidać, dzie ŭ najbližejšy čas pojdzie śnieh abo doždž. Dziakujučy hetamu karystalniki zmohuć, naprykład, pahladzieć, nakryje zaleva centr horada ci abminie.
Prahnoz apadkaŭ raźličvajecca na dźvie hadziny napierad pa dziesiacichvilinnych intervałach: možna pahladzieć, dzie buduć apadki praź dziesiać, dvaccać, tryccać chvilin i hetak dalej. Na hałoŭnaj staroncy servisu vyvodziacca papiaredžańni, jakija dapamahajuć zrazumieć prahnoz, nie adkryvajučy kartu:
«Doždž pačniecca na praciahu paŭhadziny» abo, naprykład, «U nastupnyja dźvie hadziny doždž sa śnieham nie spynicca».
Karta apadkaŭ nie tolki dapamahaje nie patrapić pad doždž — za joj byvaje cikava panazirać. Naprykład, možna pahladzieć, za jaki čas niepahadź dabirajecca ad Minska da Mahilova, ci vyśvietlić, u jaki bok daždžavyja chmary ruchajucca čaściej.
Dla pradkazańni apadkaŭ Jandeks vykarystoŭvaje spadarožnikavyja zdymki, jakija atrymlivaje kožnyja niekalki chvilin. Niejronnaja sietka apracoŭvaje fatahrafii atmaśfiery, zroblenyja z kosmasu, i pradkazvaje pieramiaščeńni abłaściej apadkaŭ.
Prosta zaraz žychary Biełarusi mohuć ubačyć kartu apadkaŭ u dadatku Jandeks dla iOS i Android i na sajcie yandex.ru/pogoda. U dadatku Jandeks.Nadvorje karta zapracuje ŭ chutkim časie.
