Televiadučy Jaŭhien Pierlin i aktrysa, śpiavačka Viera Palakova-Makiej stanuć viadučymi cyrymonii adkryćcia XXV Minskaha mižnarodnaha kinafiestyvalu «Listapad», paviedamlajuć «Minsk-Naviny» sa spasyłkaj na pres-sakratara kinaforumu Irenu Kaciałovič.
Start «Listapadu 2018» budzie dadzieny 2 listapada ŭ kinateatry «Maskva». Forum pačynajecca z čyrvonaj dyvanovaj darožki.
Film adkryćcia — mieładrama «Chałodnaja vajna» polskaha režysiora Paŭła Paŭlikoŭskaha. U cyrymonii buduć udzielničać namieśnik premjer-ministra Biełarusi Ihar Pietryšenka, aficyjny pradstaŭnik Vykanaŭčaha kamiteta SND Taćciana Kavalova, jakaja ŭručyć śpiecyjalny pryz ad kamiteta.
Na pravach staršyni kinafiestyvalu Hienadź Davydźka simvalična adkryje forum, raźbiŭšy talerku.
