Biełaruskaj ekanomicy žyćciova nieabchodnyja inviestycyi i prajekty pryvatnaha biznesu, zajaviŭ premjer-ministr Siarhiej Rumas, pradstaŭlajučy ŭ parłamiencie prahramu ŭrada. Dziaržava pry hetym hatova pajści na surjoznyja kroki, nakštałt admieny kryminalnaha pieraśledu za parušeńni ŭ śfiery padatkovaha zakanadaŭstva, paviedamlaje Tut.by.
Jon adznačyŭ, što prahrama ŭmantavanaja ŭ dziejnuju sistemu dakumientaŭ, jakija vyznačajuć raźvićcio krainy, zaklikanych pavysić ustojlivaści krainy da źniešnich i ŭnutranych vyklikaŭ.
Prahrama adroźnivajecca niekatorymi asablivaściami — roŭnaść usich formaŭ ułasnaści, nieŭmiašańnie ŭ zdarovuju kankurencyju. Hałoŭny metavy aryjencir — pavyšeńnie žyćciovaha ŭzroŭniu biełaruskaha naroda. U pryvatnaści, Rumas zajaviŭ ab nieabchodnaści «stvaryć umovy dla dastojnaha ŭzroŭniu zarobku biełarusa».
Prahramaj praduhledžany padzieł funkcyj ŭłaśnika i rehulatara pry kiravańni dziaržułasnaściu, dekryminalizacyja ekanamičnych ryzyk, prapracoŭvajucca pytańni admieny kryminalnaha pieraśledu za parušeńni ŭ śfiery padatkovaha zakanadaŭstva. Raźvićcio śfiery pasłuh, maštabnaja ličbavizacyja, ustojliva nizki ŭzrovień inflacyi, udaskanaleńnie inviestycyjnaj palityki, źnižeńnie rehijanalnaj dyfierencyjacyi.
Rumas nahadaŭ ab pryniataj stratehii raźvićcia pradprymalnictva «Nieabchodna zabiaśpiečyć biznes realnaj finansavaj padtrymkaj. Nam žyćciova nieabchodny rost inviestycyj pryvatnaha biznesu», — padkreśliŭ jon.
