Pra heta zajaviŭ Alaksandr Łukašenka siońnia na adkryćci sustrečy Asnoŭnaj hrupy Miunchienskaj kanfierencyi pa biaśpiecy, piša BiełTA.
«Rašeńnie ŭkrainskaha kanfliktu — klučavoje pytańnie biaśpieki ŭ Jeŭropie. Bieź jaho ŭrehulavańnia mir na kantyniencie budzie zastavacca pad pahrozaj», — skazaŭ Alaksandr Łukašenka.
Jon ahučyŭ kankretnyja prapanovy pa zabieśpiačeńni miru va ŭschodnich rehijonach Ukrainy.
«Budziem ščyrymi: rašeńnie kanfliktu na Danbasie, pry žadańni, mahło b być užo daŭno znojdziena. Treba praciahvać pracu pa ŭzmacnieńni mahčymaściaŭ Śpiecyjalnaj manitorynhavaj misii ABSIE va Ukrainie i trochbakovaj kantaktnaj hrupy. My hatovy razhledzieć stvareńnie ŭ Minsku techničnaha punkta trochbakovaj kantaktnaj hrupy i inšaha, na što my zdolnyja siońnia damovicca ŭ Jeŭropie», — zajaviŭ kiraŭnik dziaržavy.
Jon taksama ličyć važnym dapoŭnić dypłamatyčny dyjałoh ŭzajemasuviaziami parłamientaryjaŭ, pradstaŭnikoŭ rehijanalnych uładaŭ, hramadzianskaj supolnaści i ekśpiertaŭ.
«Nieabchodna vieści dalejšy pošuk uzajemaprymalnaha rašeńnia pa raźmiaščeńni na Danbasie miratvorcaŭ. Mahčyma, razhledzieć varyjant raźmiaščeńnia sumiesnaj misii AAN i ABSIE va Ukrainie. U jaje skład mohuć uvajści vajskoŭcy, palicejskija, hramadzianski piersanał z krain, jakija na praciahu ŭsiaho pieryjadu kanfliktu ŭnosili pasilny ŭkład u jaho vyrašeńnie. Treba zabiaśpiečyć pryncyp paetapnaha razhortvańnia hetaj misii, ale času amal nie zastałosia», — skazaŭ Alaksandr Łukašenka.
Na dumku biełaruskaha kiraŭnika, taksama varta było b aktyvizavać i pracu ŭ «narmandskim farmacie», kab zabiaśpiečyć dakładny miechanizm kantrolu za vykanańniem minskich pahadnieńniaŭ. «Adnak z ulikam vopytu raniejšych hadoŭ jość aściarohi, što hetaha budzie niedastatkova», - adznačyŭ jon.
«Biełaruś — nievialikaja dziaržava, ale my hatovyja ŭnosić svaju leptu ŭ vyrašeńnie tych ci inšych kanfliktaŭ. Što my, u pryncypie, užo robim. Ale chočam adčuvać našu vialikuju zapatrabavanaść z boku asnoŭnych suśvietnych hulcoŭ», - zajaviŭ jon.
«Praściej kažučy, my možam uziać na siabie adkaznaść za zabieśpiačeńnie miru va ŭschodnich rehijonach Ukrainy i kantrol na rasijska-ŭkrainskaj miažy, a taksama supravadžać praviadzieńnie vybaraŭ na Danbasie, zychodziačy z razumieńnia taho, što hetyja rehijony źjaŭlajucca nieadjemnaj častkaj Ukrainy», - reziumavaŭ kiraŭnik dziaržavy.
