president.gov.by
Asobnyja zachodnija partniory Biełarusi ŭ zachapleńni ad pazicyi Minska pa Abchazii i Paŭdniovaj Asiecii, pa Krymie i Danbasie. Adnak jak tolki dachodzić da kankretnych pytańniaŭ uzajemadziejańnia, to ŭ nas, akazvajecca, jość prablemy z pravami čałavieka. Pra heta Alaksandr Łukašenka zajaviŭ na adkryćci sustrečy asnoŭnaj hrupy Miunchienskaj kanfierencyi biaśpieki ŭ Minsku.
Alaksandr Łukašenka zajaviŭ, što siońnia ŭ Jeŭropy jość pretenzii da Biełarusi ŭ pytańni pravoŭ čałavieka.
— Nam kažuć, što Jeŭropa zacikaŭlena ŭ suvierenitecie Biełarusi. Pry hetym asobnyja našy zachodnija partniory ŭ zachapleńni ad pazicyi Minska pa Abchazii i Paŭdniovaj Asiecii, pa Krymie i Danbasie. Adnak jak tolki dachodzić da kankretnych pytańniaŭ uzajemadziejańnia, to ŭ nas, akazvajecca, jość prablemy z pravami čałavieka.
Davajcie pahladzim, što adbyvajecca z demakratyjaj u Zachodniaj Jeŭropie. Kali ŭžo niemcy nie acanili rolu Mierkiel u historyi i hatovyja jaje vykinuć na zadvorki, to ja vas vinšuju. Vy pahladzicie, što adbyvajecca ŭ vas, u Jeŭropie z demakratyjaj, a vy ŭsio kažacie ab demakratyi ŭ byłych savieckich respublikach.
Vy chutka pryjedziecie da nas, vučycca našaj demakratyi. Bo ŭ nas jość stabilnaść dla narmalnaha žyćcia ludziej. Dziaŭčynki nie pavinny bajacca ŭ škołu chadzić u spadnicy. Pra jakija pravy čałavieka tut možna kazać? Dzie pravy 70 čałaviek, jakich rasstralali ŭ Narviehii? A jon siadzić u trochpakajovaj turmie, dobra jamu, — skazaŭ Łukašenka.
Pa słovach kiraŭnika krainy, dla Biełarusi adnym z klučavych składnikaŭ nie tolki fundamientalnych pravoŭ čałavieka, ale i biaśpieki, była i zastajecca sacyjalna-ekanamičnaja śfiera.
- Ja hłyboka pierakanany, što ŭ niestabilnym hramadstvie nie mohuć być zabiaśpiečany pravy i svabody čałavieka. Niechta zaraz na Zachadzie kaža, što samaja demakratyčnaja kraina va Uschodniaj Jeŭropie siońnia — heta Ukraina. Ale chto z vas choča žyć u hetaj demakratyčnaj Ukrainie, naprykład, na Danbasie? — skazaŭ Łukašenka.
Jon taksama zajaviŭ, što Biełaruś šmat robić dla Jeŭrasajuza ŭ śfiery biaśpieki. Krainaj stvorany «efiektyŭny zasłon na šlachu nielehalnaj mihracyi, narkatrafiku i kryminału ŭ Jeŭropu», «navat myš nie prapaŭzie praz našy miežy» ŭ Jeŭropu.
— Pry hetym my nie pretendujem na siabroŭstva ŭ ES, na kaleniach nie poŭzajem tam u Bruseli, i idziom da jeŭrapiejcaŭ zusim nie z praciahnutaj rukoj. Nam zaŭsiody jość što prapanavać partnioram, — skazaŭ Łukašenka.
