Cieła saudaŭskaha žurnalista Džamala Chašohi raśsiekli i źniščyli paśla taho, jak jaho zadušyli ŭ hienkonsulstvie Saudaŭskaj Aravii, havorycca ŭ zajavie stambulskaj prakuratury, pišuć infarmahienctvy.
Pravaachoŭniki padkreślili, što zabojcy dziejničali pavodle zahadzia vyznačanaha płanu.
Adznačajecca, što pieramovy z hienprakuroram Saudaŭskaj Aravii, jaki naviedaŭ Turcyju, nie prynieśli vyniku.
«Saudaŭski bok nie adkazaŭ na pytańni - ab najaŭnaści płana zabojstva, imia miascovaha saŭdzielnika złačyncaŭ, miescaznachodžańnie cieła», - havorycca ŭ zajavie.
Saudaŭski žurnalist Džamal Chašohi, jaki pracavaŭ ahladalnikam amierykanskaj haziety Washington Post i z 2017 hoda žyŭ u ZŠA, źnik u Turcyi 2 kastryčnika, paśla taho, jak uvajšoŭ u budynak hienkonsulstva Saudaŭskaj Aravii ŭ Stambule. Dziaržaŭnyja ŚMI Er-Ryjada ŭ noč na 20 kastryčnika paviedamili, što Chašohi miortvy. Adznačałasia, što da jaho hibieli pryviała svarka z supracoŭnikami konsulstva.
U miežach rasśledavańnia zabojstva zatrymali 18 čałaviek.