Majkł Džeksan uznačaliŭ rejtynh samych bahatych pamierłych znakamitaściej pavodle viersii časopisa Forbes, zarabiŭšy ŭ 10 razoŭ bolš za Ełvisa Preśli, jaki zaniaŭ druhoje miesca.
Pa dadzienych časopisa, śpiavak, jaki pamior u 2009 hodzie, zarabiŭ u minułym hodzie 400 młn dalaraŭ, Ełvis Preśli — 40 młn. Usiaho ŭ pieršuju dziasiatku rejtynhu ŭvajšli piaciora niabožčykaŭ śpievakoŭ i muzykantaŭ.
Značnuju častku dachodaŭ spadkajemcy Džeksana atrymali za prodaž jaho doli ŭ hukazapisvalnaj kampanii EMI Music Publishing karparacyi Sony, a taksama ad prodažaŭ muzyki.
Dachody Ełvisa Preśli składajucca z prodažaŭ jaho albomaŭ (štohod pradajecca kala 1 młn kopij), kvitkoŭ u dom-muziej u Miemfisie, a taksama ŭ raźmieščany tam ža zabaŭlalny kompleks.
Treciaje miesca zaniaŭ halfist Arnold Pałmier. U minułym hodzie kampanija Molson Coors zapuściła ałkaholny napoj pad nazvaj Arnold Palmer, prodažy jakoha ŭzbahacili spadkajemcaŭ na 35 młn dołaraŭ.