Jeŭrasajuz praviadzie vyprabavańni sistemy iBorderCtrl, jakaja na praciahu šaści miesiacaŭ budzie pracavać na hranicach Vienhryi, Łatvii i Hrecyi z krainami, jakija nie ŭvachodziać u ES. Jana ŭjaŭlaje saboj płatformu sa štučnym intelektam, meta jakoj — paskoryć praces pierasiačeńnia miažy, pieradaje theverge.com.
Čałaviek zmoža papiarednie zapoŭnić elektronnyja ankiety i zahruzić nieabchodnyja dakumienty, a zatym mašyna zadaść pytańni. Adkazy na pytańni buduć analizavacca, i, kali sistema vyrašyć, što ŭsio ŭ paradku, čałaviek atrymaje QR-kod, pa jakim pierasiače miažu.
«Što ŭ vas u čamadanie? Kali vy adkryjecie jaho i pakažacie, što ŭnutry, vašy słovy paćvierdziacca?» — prykładna takija pytańni budzie zadavać štučny intelekt. Adnačasova za čałaviekam budzie sačyć sistema sensaraŭ i videakamiery, jakija budć vymiarać šerah fizijałahičnych paramietraŭ, reakcyj, 38 mikražestaŭ.
Kali ž mašyna zapadozryć štości niadobraje, ad čałavieka zapatrabujuć padać dadatkovuju infarmacyju, a taksama prajści skaniravańnie dałoni, tvaru, adbitkaŭ. Paśla vas pravierać pa bazach dadzienych i adpraviać da žyvoha inśpiektara.
iBorderCtrl znachodzicca na rańnich stadyjach testavańnia i vydavać zabaronu na pierasiačeńnie miažy pakul što nie zmoža. Ciapier prahrama maje dosyć vysoki vynik — 76% paśpiachovych rašeńniaŭ, adnak raspracoŭščyki spadziajucca pavysić jaho da 85%.
Virtualny ahient uličvaje hiendarnuju, etničnuju prynaležnaść padarožnika, a taksama roznyja movy.
