Častku kredytnych srodkaŭ, jakija vydzieleny biełaruskamu boku Kitajem, treba nakiroŭvać na padtrymku pryvatnaha biznesu. Takuju zadaču Alaksandr Łukašenka pastaviŭ kiraŭnictvu ŭrada padčas naviedvańnia Viciebskaha futravaha kambinata, paviedamlaje pres-słužba kiraŭnika krainy.
«U nas vialikaja kolkaść niavybranych kamiercyjnych kitajskich kredytaŭ, siem miljardaŭ, jość jašče i tannyja. Niadaŭna ja rasparadziŭsia, kab vy spynili aryjentavacca tolki na hihantaŭ, — skazaŭ Alaksandr Łukašenka. — Jość tałkovy pryvatnik, jakoha my viedajem, nie prosta šarłatany z vulicy, voś im treba dapamahać. Jany za 20-30 miljonaŭ (dalaraŭ) stvorać nam sotni tysiač pracoŭnych miescaŭ».
Pry hetym, padkreśliŭ jon, nie abaviazkova vydzialać na budaŭnictva novych pryvatnych pradpryjemstvaŭ sotni miljonaŭ ci miljardy dalaraŭ.
Kiraŭnik dziaržavy pryvioŭ u prykład Viciebski futravy kambinat. Paśla taho jak pradpryjemstva było vykuplena kampanijaj «Marka» ŭ 2013 hodzie, u jaho rekanstrukcyju i madernizacyju inviestavali kala $ 24 młn. Na kambinacie ŭžo stvorana bolš za 300 pracoŭnych miescaŭ, płanujecca pavialičyć ich da 500.
«Vydatnaje pradpryjemstva, — pachvaliŭ jon. — Kali b jon (hiendyrektar «Marka» Mikałaj Martynaŭ) siabie nie zarekamiendavaŭ, ja b ź im nie razmaŭlaŭ ni pra chołdynh, ni pra heta. Jon siabie zarekamiendavaŭ dobrym pryvatnikam, biznesmenam»
