Taćciana Vasiljeva ŭ filmie «Samaja abajalnaja i pryvabnaja».
Pra toje, što aktrysa Taćciana Vasiljeva akazałasia ŭ špitali, stała viadoma napiaredadni viečaram. Pra heta artystka raspaviała telekanału 360. Pa jaje słovach, jana trapiła ŭ balnicu paśla taho, jak joj zacisnuła hałavu dźviaryma vahona ŭ mietro.
U NDI im. Sklifasoŭskaha paćvierdzili RBK špitalizacyju aktrysy Taćciany Vasiljevaj i raspaviali pra jaje stan zdaroŭja.
«Jana była ŭ nas učora, byŭ pastaŭleny dyjahnaz, i jaje adpuścili dadomu, usio dobra», — zajavili ŭ miedustanovie.
Svaju traŭmu jana źviazała z tym, što ŭ mietrapalitenie «nie papiaredžvajuć» pra zakryćcio dźviarej. Maskoŭski mietrapaliten vykazaŭ Vasiljevaj škadavańnie ŭ suviazi ź incydentam.
71-hadovaja narodnaja artystka Rasii Taćciana Vasiljeva vystupaje ŭ teatry «Milenium». Jana zdymałasia ŭ filmach «Dobry dzień, ja vaša ciotka», «Samaja abajalnaja i pryvabnaja», «Ubačyć Paryž i pamierci» i inšych.