Deputat rasijskaj Dziarždumy ad kiroŭnaj «Adzinaj Rasii» Siarhiej Vastracoŭ prapanavaŭ pazbaŭlać baćkoŭskich pravoŭ rasijan, čyje niepaŭnaletnija dzieci nieadnarazova ŭdzielničali ŭ niaŭzhodnienych akcyjach.
Taksama jon prapanavaŭ štrafavać baćkoŭ. Deputat upeŭnieny, što takaja miera padšturchnie darosłych vyvučać aktyŭnaść padletkaŭ u sacyjalnych sietkach i pravodzić prafiłaktyčnyja hutarki z «małaletkami, jakija siońnia nie adčuvajuć adkaznaści».
«Kali baćki nie zajmajucca svaimi dziećmi, moža pavinien być sihnał u apieku, kab jany brali takija siemji na kantrol <…> To bok, heta sihnał dla bolš hłybokaha vyvučeńnia — ci treba naohuł pakidać dziaciej takim baćkam, jakija svaimi dziećmi nie zajmajucca. Moža być, pry ŭdziele dziciaci ŭ niesankcyjanavanym mitynhu bolš za dva razy varta razhladać mahčymaść pazbaŭleńnia baćkoŭskich pravoŭ», — skazaŭ Vastracoŭ.
Parłamientaryj adznačyŭ, što ŭ najbližejšy čas płanuje aformić svaju inicyjatyvu ŭ vyhladzie asobnaha prajekta zakona abo papravak da zakonaprajekta ab uviadzieńni administracyjnaj adkaznaści za arhanizacyju niesankcyjanavanych publičnych mierapryjemstvaŭ z udziełam školnikaŭ.
