Delfi.lt
U Litvie źjaviłasia pieršaja ŭ śviecie burštynavaja łaźnia, jakaja abyšłasia ŭ 100 000 jeŭra (vykarystali 3 tony naturalnaha burštynu z Bałtyjskaha mora). Miarkujuć, što jana zacikavić jak žycharoŭ Litvy, tak i turystaŭ, piša Delfi.lt.
Łaźnia była adkryta ŭ Pałanzie, u azdaraŭlenčym centry Atostogų parkas. Jaje nazvali «Soncam» (Saulės). Płošča łaźni - 22 kv. m, adnačasova ŭ joj mohuć znachodzicca 15 čałaviek. Na abstalavańnie łaźni syšoŭ amal hod.
Dyrektar Atostogų parkas Ryčardas Jovajša skazaŭ, što ŭ śviecie jość łaźni z asobnymi elemientami z burštynu, ale ŭ hetaj łaźni vykarystoŭvali vielizarnuju kolkaść burštynu, im pakrytyja ścieny, stol i navat ležaki.
U łaźni padtrymlivajuć tempieraturu 45-48 hradusaŭ. «Hałoŭnaj zadačaj było pravilnaje vykarystańnie burštynu dla ŭmacavańnia zdaroŭja ludziej. My railisia z navukoŭcami, i voś vynik. Uzajemadziejańnie burštynu, ciapła i infračyrvonych pramianioŭ — voś što spryjaje ŭmacavańniu zdaroŭja čałavieka», - skazaŭ Jovajša.
Łazienščyk Atostogų parkas Jonas Pudžmis i Eduardas Mišejkis skazali, što prahrety da peŭnaj tempieratury burštyn vydzialaje burštynavuju kisłatu, jakaja žyćciova važnaja dla arhanizma kožnaha čałavieka. U takoj łaźni rekamiendujuć znachodzicca nie bolš za 30 chvilin - hetaha dastatkova, kab atrymać maksimum karyści.
Naviedvańnie hetaj łaźni kaštuje 3 jeŭra, ale kab u jaje patrapić, treba kupić bilet va ŭvieś łaźnievy kompleks (heta 14 jeŭra dla darosłaha i 6 jeŭra dla dziaciej i piensijanieraŭ).
