Hałoŭnaja redaktarka sajta Chartyja'97 Natalla Radzina dała prahramnaje intervju samamu papularnamu litoŭskamu infarmacyjnamu resursu Delfi.lt. Pryvodzim hałoŭnyja tezisy jaje pazicyi.
Pra palityčnuju situacyju
«Čas Łukašenki skončyŭsia. U «atamana» niama nie tolki załatoha zapasu, u jaho naohuł niama nijakich resursaŭ dla padaŭžeńnia ułady. Dyktatura, jakaja vybudoŭvałasia na praciahu 24 hadoŭ, siońnia nahadvaje kartačny domik. Ludzi dyktatara nienavidziać, stychijnyja pratesty ŭspychvajuć paŭsiudna i stabilna niekalki razoŭ na tydzień. Vidać, što ciarpieńnie narodu na miažy».
Pra ekanomiku
«Z-za skaračeńnia rasijskich datacyj nierefarmavanaja ekanomika razvalvajecca: zarobki siońnia ŭ krainie 100—200 dalaraŭ, piensii i jašče mienšyja, ceny nadzvyčaj vysokija, biespracoŭje raście, ale zamiest dapamohi ludziam u najlepšych savieckich tradycyjach prymajecca zakon suprać «darmajedstva». Viadoma, Biełaruś pakul jašče nie Vieniesueła, ale kirunak ruchu adzin — da nieminučaha krachu».
Pra infarmacyjnaje pole
«Katastrafičnaja situacyja. Mazhi biełarusaŭ pramyvajuć 9 rasijskich telekanałaŭ, rasijskija radyjostancyi, haziety i sajty, jakija ciapier płodziacca, jak hryby paśla daždžu. Łukašenka ž u adkaz źniščaje biełaruskija demakratyčnyja ŚMI, jakija stajać na idejach niezaležnaści Biełarusi. Jaho ŭłasnaja «kałhasnaja» prapahanda pracuje tolki dla ŭschvaleńnia pravadyra, adkryta chłusić ab uzroŭni žyćcia biełarusaŭ i jaje ŭžo nichto nie hladzić, kab nie plavać u televizar. A voś ŭpłyvu ruskaj chłuśni biełarusy paddatnyja: pucinskaja prapahanda bolš vytančanaja, zasnavana na psichałohii i lohka zaražaje rozumy ludziej, jakija nie atrymlivajuć alternatyŭnaj infarmacyi».
Pra dyjałoh Jeŭrasajuza i biełaruskaj ułady
«Heta nie dyjałoh. Heta razmova ślapoha z hłuchim. Hladžu ja na heta vielmi admoŭna. Ni da jakich źmienaŭ u lepšy bok heta nie pryvodzić. Naadvarot — praz toje, što zachopleny «dyjałoham» Zachad pierastaje źviartać naležnuju ŭvahu na parušeńnie pravoŭ čałavieka ŭ Biełarusi, dyktatarski režym kančatkova raśpierazaŭsia. ŚMI źniščajuć, prafsajuznych lidaraŭ aryštoŭvajuć, apazicyja pastajanna pad presam, vybary taksama nachabna falsifikujuć. A jeŭrapiejskija čynoŭniki svaimi vajažami ŭ Minsk usio hetaje biazładździe lehitymizujuć. Choć davajcie budziem ščyrymi: mnohija jeździać siudy nie tolki dla taho, kab uhavorvać sastarełaha dyktatara. Praź Biełaruś siońnia iduć patoki kantrabandy ŭ abychod rasijskich i jeŭrapiejskich sankcyj, i niekatoryja čynoŭniki źjaŭlajucca banalnymi łabistami intaresaŭ biznesu».
Pra AES
«Biezumoŭna, u supraćdziejańni zapusku AES u Biełarusi Litvu siońnia pavinny padtrymać usie jeŭrapiejskija krainy. AES pry Łukašenku moža być strašniejšaj za Čarnobyl».
Pra Miunchienskuju kanfierencyju pa biaśpiecy
«U mianie adna anałohija — Miunchien-1938 i Minsk-2018. I ličby padobnyja, i sutnaść taja ž. Pravodzić takija mierapryjemstvy ŭ dyktatarskaj krainie — čarhovaje paražeńnie jeŭrapiejskaj palityki. Da čaho pryvodzić «supakojvańnie» dyktataraŭ, my viedajem z historyi».
Pra Pucina
«Łukašenka nie ŭ stanie kantralavać siabie, nie toje što situacyju. Jon palityčny i ekanamičny bankrut. U Rasii heta viedajuć — adsiul hetyja pastajannyja razmovy pra toje, što Kreml šukaje jamu zamienu. I, sapraŭdy, heta moža adbycca. Ale na Biełarusi Pucin moža abłamać zuby. Biełarusy buduć supraciŭlacca: i ŭnutry krainy, i za miažoj. Usio ž taki, dziakuj Bohu, nie 1938-y, anšlus krainy ŭ centry Jeŭropy paciahnie surjoznyja nastupstvy. Harantam niezaležnaści Biełarusi siońnia źjaŭlajucca prajeŭrapiejskija demakratyčnyja siły. A im siońnia vielmi patrebna padtrymka i salidarnaść śvietu».
***
Nahadajem, Chartyja'97 pracuje ŭ Varšavie. Resurs zabłakavany na terytoryi Biełarusi pa rašeńni Ministerstva infarmacyi, ale lusterki sajta dastupnyja dla karystalnikaŭ.
