U staličnym handlova-zabaŭlalnym centry «Arena-Sici» abrynułasia stol, paciarpieli dźvie žančyny, adna ź ich špitalizavanaja.
«Arena-Sici» — adna z najbujniejšych handlovych placovak Minska. Jaje ahulnaja płošča bolš za 85 tysiač kvadratnych mietraŭ.
Trochuzroŭnievy budynak źmiaščaje bolš za 70 kramaŭ, asnoŭnaja ź jakich — hipiermarkiet «Prastor». Aproč taho, pracujuć kinateatr, dziciačy zabaŭlalny centr, fudkort, jaki byŭ pieršym u Biełarusi.
«Arena-Sici» adkryłasia ŭ 2013 hodzie i naležała miljanieru Juryju Čyžu. Ale kali ŭ jaho ŭźnikli prablemy ź biznesam, handlovy centr daviałosia zakłaści bankam, a paśla i pradać.
Ciapier adziny ŭłaśnik «Arena-Sici» — «Biełahraprambank». Finansavaja ŭstanova nabyła jaho ŭ červieni 2016 hoda za $75 miljonaŭ.
