Uviečary 10 listapada pad Branskam na smalenskaj trasie sutyknulisia dva lehkavyja aŭtamabili i mikraaŭtobus. U mikraaŭtobusie znachodziłasia vakalna-charavaja studyja «Suzorje» z Mahilova. Junyja artysty viartalisia ź Mižnarodnaha konkursu, paviedamlaje «Bransk Today».
U mikraaŭtobus ź dziećmi ŭrezaŭsia lehkavy aŭtamabil. Na ščaście, nichto ź junych artystaŭ nie paciarpieŭ, ale traŭmy atrymała adna z darosłych.
Na miesca zdareńnia vyjazdžaŭ staršynia «Biełaruskaha ziamlactva na Branščynie» Mikałaj Hałasoŭ. Jon raspavioŭ, što ŭsich dziaciej i supravadžajučych adviali ŭ kafe na aŭtazapraŭcy i pakarmili.
Na miesca avaryi padjechaŭ kiraŭnik administracyi Branskaha rajona Mikałaj Jakušenka. Jon daŭ rasparadžeńnie raźmiaścić haściej ź Biełarusi na načleh. Dadomu junyja artysty viarnulisia tolki na nastupny dzień.
