U Kramli zajavili, što administracyja prezidenta Kazachstana Nursułtana Nazarbajeva śpiecyjalna paprasiła, kab padčas jaho sumiesnaha z Uładzimiram Pucinym naviedvańnia turystyčnaj vystavy ŭ kazachstanskim Pietrapaŭłaŭsku maršrut delehacyj nie prachodziŭ kala stenda z Kierčanskim mostam, paviedamlaje «RIA Novosti».
Pra heta Dźmitryj Piaskoŭ skazaŭ, kamientujučy publikacyi ŭ rasijskich ŚMI, jakija paviedamili, što hetaje rašeńnie było pryniataje ŭ suviazi z tym, što Astana nie pryznaje «dałučeńnie» Rasijaj ukrainskaha Kryma.
«Heta było pažadańnie našych kazachstanskich kaleh, kab maršrut prachodu kiraŭnikoŭ dziaržaŭ abminuŭ hety stend, takoje sapraŭdy (było)», — pryznaŭ śpikier Pucina.
0
0
0
0
0
0
