Fota ź Vikipiedyi
Prezident Isłandyi Hudni Jochaniesan, jaki ŭ 2017 hodzie prapanavaŭ zabaranić picu z ananasam (havajskuju picu), pryznaŭ, što jamu nie varta było hetaha rabić. Jaho słovy pryvodzić kanadskaja teleradyjoviaščalnaja karparacyja CBC.
Jochaniesan skazaŭ, što «zajšoŭ zanadta daloka» i škaduje pra heta. Pa słovach prezidenta, jon nie pavinien byŭ prapanoŭvać zabaranić picu, bo kožny čałaviek volny vybirać toj topinh, jaki jamu padabajecca, i heta značna važniej, čym jaho mierkavańnie.
U lutym 2017 hoda, sustrakajučysia sa studentami ŭ Kanadzie, Jochaniesan zajaŭlaŭ, što, kali b u jaho byli paŭnamoctvy, jon zabaraniŭ by picu z ananasam. Kiraŭnik dziaržavy patłumačyŭ, što addaje pieravahu picy z morapraduktami.
U padtrymku picy z ananasam zapuścili fłešmob #TeamPineapple. Da jaho, siarod inšych, dałučyŭsia premjer-ministr Kanady Džaścin Trudo. «U mianie jość ananas. U mianie jość pica. I ja padtrymlivaju hety cudoŭny tvor Paŭdniova-Zachodniaha Antarya», — napisaŭ jon u tvitary. (Kuchar Sem Panopułas, jaki ličycca stvaralnikam havajskaj picy, žyŭ u kanadskaj pravincyi Antarya).
