Saviet Fiederacyi prapanavaŭ Radzie biaśpieki RF vyznačyć novyja ŭmovy prymianieńnia Rasijaj jadziernaj zbroi, pišuć RIA Naviny.
Rekamiendacyi raspracavali členy kamiteta pa abaronie i biaśpiecy sumiesna z pradstaŭnikami Minabarony, Hienštaba i Rady biaśpieki.
Palityki i vajskoŭcy zaklikali dakładna vyznačyć faktary dla pryniaćcia rašeńnia pra adkaz na vykarystańnie praciŭnikam hipierhukavaj zbroi i inšych vidaŭ stratehičnaj niajadziernaj zbroi.
Taksama adznačajecca nieabchodnaść u raspracoŭcy prajekta «Nacyjanalnaj vajennaj stratehii».
Sienatary i pradstaŭniki vajennych viedamstvaŭ tłumačać heta tym, što ŭ apošni čas pavyšajecca ryzyka vyrašeńnia suśvietnych, rehijanalnych i łakalnych prablem srodkami ŭzbrojenaha hvałtu, raźviazvańnia bujnamaštabnaj vajny z užyvańniem zvyčajnych srodkaŭ paražeńnia i jadziernaj zbroi.
Akramia taho, u śviecie źjaŭlajucca novyja vidy zbroi i vajennaj techniki, adbyvajecca transfarmacyja formaŭ i sposabaŭ viadzieńnia bajavych dziejańniaŭ, havorycca ŭ rekamiendacyjnym dakumiencie.
