Ciapier u Minsku žyvie kala 1 980 000 čałaviek. Ščaślivy małyš, dvuchmiljonny minčuk, maje źjavicca na śviet u bližejšyja paŭtara-dva hady, piša TUT.BY.
— Sioleta ŭ Minsku naradzilisia 13 364 dziciaci, — raspavioŭ padčas adkryćcia druhoha respublikanskaha kanhresa «MamPro» namieśnik staršyni Minharvykankama Ihar Jurkievič. I dadaŭ: — Pa maich padlikach, heta maje zdarycca ŭ bližejšyja paŭtara-dva hady.
Čytajcie: Nasielnictva Minska skaračajecca — na 2000 čałaviek ad pačatku hoda
U padarunak ščaślivy mały atrymaje kvateru. Jaje płošča zaležyć ad kolkaści členaŭ siamji.
— Kali heta pieršaje dzicia, to havorka idzie pra adna-, dvuchpakajovuju kvateru, — adznačyŭ Ihar Jurkievič. — Kali dzietki ŭžo jość, to bolšuju. U lubym vypadku kvatera budzie hodnaj.
Miljonny žychar Minska naradziŭsia 25 studzienia 1972 hoda. Baćki Aleha Baśko — Zoja i Valeryj — pracavali na fabrycy imia Krupskaj. Siamji tady ŭručyli order na kvateru, na knižku pakłali 500 rubloŭ, jakija dzicia mahło atrymać u dzień paŭnalećcia. Kalehi Zoi i Valeryja padaryli siamji pašyty na fabrycy nabor dziciačaha adzieńnia. Majstry cacak padaryli miesiacachod, pra jaki maryli mnohija savieckija dzieci. Ciapier Alehu Baśko 46 hadoŭ.
