Chulihany spalili sienaschovišča ŭ Ašmianskim rajonie, tamu što pakryŭdzilisia na staršyniu pradpryjemstva-ŭładalnika, paviedamlaje UUS Hrodzienskaha abłvykankama.
U mai ŭ vioscy Halšany zhareŭ niežyły dom. Užo tady milicyja i ratavalniki padazravali padpał.
A ŭ kastryčniku adbyŭsia pažar na sienaschoviščy miascovaj haspadarki: tady zhareŭ budynak i siena.
Milicyjaniery šukali ludziej, jakich raniej zvolnili z haspadarki. Padazravać pačali 20-hadovaha chłopca. Pry zatrymańni jon raspavioŭ, što razam sa svaimi dvuma siabrami ździejśniŭ niekalki padpałaŭ. Zakinutyja damy jany padpalvali prosta tak, a sienaschovišča — praz asabistuju niepryjaznaść da kiraŭnika pradpryjemstva.
Suprać chłopcaŭ raspačali kryminalnyja spravy za naŭmysnaje źniščeńnie abo paškodžańnie majomaści.