Žychar Połacka na lehkaviku nie sastupiŭ darohu mužčynu z noŭtbukam na piešachodnym pierachodzie. Pamiž imi pačałasia bojka, i kiroŭca złamaŭ piešachodu nos, paviedamlaje UUS Viciebskaha abłvykankama.
Incydent adbyŭsia ranicaj 26 listapada. Žychar Połacka jechaŭ pa vulicy Zyhina. Na pierachodzie jon nie prapuściŭ piešachoda i začapiŭ mašynaj noŭtbuk, jaki toj nios u torbie. Piešachod staŭ aburacca, kiroŭca vyjšaŭ z aŭto i ŭdaram rukoj złamaŭ mužčynu nos.
Paśla hetaha kiroŭca źjechaŭ, paciarpieły źviarnuŭsia ŭ milicyju. Kiroŭcu zatrymali siońnia ranicaj na połackim pradpryjemstvie, dzie jon pracuje. Mužčyna padzarablaŭ na mašynie taksi, jakuju kupiŭ u Rasii.
0
0
0
0
0
0
