Alaksandr Łukašenka ličyć, što roznyja sankcyi i handlovyja vojny źjaŭlajucca šancam dla ekanomik krain Jeŭrazijskaha ekanamičnaha sajuza. Pra heta Łukašenka zajaviŭ u intervju telekanału «Rasija 24».
«Ciapier naohuł dziŭnaja, strašnaja situacyja ŭ śviecie ŭ płanie handlu. Kažuć ab handlovych vojnach», — adznačyŭ Łukašenka.
«Ale dla nas nie było b ščaścia, dy niaščaście dapamahło. Unikalny šaniec! Rasiju cisnuć z usich bakoŭ. Ja hladžu, jak vy tam adbivajeciesia. Pra hetyja sankcyi ŭžo bałbatnia idzie ŭsiudy. Słuchajcie, supakojciesia. My — nievialikaja kraina — pad sankcyjami byli dziesiać hadoŭ. Krucilisia, jak vužy na patelni. Vyžyli. A kali my abjadnalisia, my razam, heta šaniec dla našych ekanomik, — ličyć Alaksandr Łukašenka. — Ščaście, što my stvaryli JeŭrAzES. Davajcie ažyćciavim tut praryŭ i pakažam tym, chto maryć pra sankcyi i nakładvaje ich na Rasiju i, ličycie, na nas. I nie treba rydać i płakacca, što my pad sankcyjami».
