Siarhiej Dziamčuk viadomy jak minimum tym, što budavaŭ na srodki dolščykaŭ biznes-centr na Internacyjanalnaj i elitny dom «Pory hoda» na Kisialova. Ale ŭ 2012 hodzie pradprymalnik na 8 hadoŭ trapiŭ za kraty za machlarstva. Pieršy abjekt užo źnieśli, druhi — ź ciažkaściu zdali usim śvietam. Raniej horad vystaŭlaŭ na prodaž kvatery Dziemčuka ŭ hetym budynku, ale, mabyć, dla pahašeńnia daŭhoŭ hetaha niedastatkova.
Tamu dziaržava abjaviła aŭkcyjon pa prodažy pradmietaŭ, jakija naležać biznesmienu. Havorka idzie pra 163 ordeny, miedali i pamiatnyja znaki, mnohija ź jakich majuć kulturnuju kaštoŭnaść.
Vyjava z sajta medalirus.ru. Nosić ilustracyjny charaktar.
Siarod ich — miedali Rasijskaj impieryi, rasijskija i savieckija maniety, žetony i navat pahony. Ceny łotaŭ — ad pary rubloŭ da 15 tysiač. Voś niekatoryja charakternyja ź ich:
— Hieorhijeŭski kryž III stupieni, Rasijskaja impieryja, mietał biełaha koleru, pačatkovy košt 8 282,8 biełaruskaha rubla.
— Hieorhijeŭski kryž IV stupieni, Rasijskaja impieryja, mietał biełaha koleru, pačatkovy košt 7868,66 biełaruskaha rubla.
— Miedal «Za ŭcichamirvańnie polskaha miaciažu 1863-1864 hh.», Rasijskaja impieryja, pačatkovy košt 310,6 biełaruskaha rubla.
— Miedal «Za ŭcichamirvańnie Vienhryi i Transilvanii», Rasijskaja impieryja, pačatkovy košt 828,28 biełaruskaha rubla.
— Miedal «Za ŭziaćcie prystupam Varšavy», Rasijskaja impieryja, pačatkovy košt 1 035,35 biełaruskaha rubla.
— Miedal «Za zavajavańnie Čačni i Dahiestana 1840-1859 hh.», Rasijskaja impieryja, pačatkovy košt 310,6 biełaruskaha rubla.
— Miedal «U pamiać karanacyi Impieratara Mikałaja II», Rasijskaja impieryja, pačatkovy košt 186,36 biełaruskaha rubla.
— Miedal «Za biezdakornuju słužbu ŭ palicyi», Mikałaj II, Rasijskaja impieryja, pačatkovy košt 517,67 biełaruskaha rubla.
Poŭny śpis — voś tut.
Tarhi projduć 27 śniežnia a 10 ranicy pa adrasie: Kalektarnaja, 3, kabiniet 205.
