U internacie №6 Biełaruskaha dziaržaŭnaha miedycynskaha ŭniviersiteta siońnia adbyŭsia pažar, paviedamlaje MNS.
Pra pažar na dziasiatym paviersie 12-paviarchovaha budynka internata paviedamili žychary. Ratavalniki, jakija pryjechali na miesca zdareńnia, ubačyli mocny dym z akna. U budynku spracavała sistema apaviaščeńnia, piersanał pačaŭ evakuacyju žycharoŭ. Usiaho byli evakuiravany 250 čałaviek. Vyśvietliłasia, što ŭ žyłym pakoi zaharełasia majomaść na płoščy kala 20 kv.m.
Rabotniki MNS ź niebiaśpiečnaj zony vyratavali dvuch čałaviek, ich žyćciu ničoha nie pahražaje. Jašče adzin źviarnuŭsia pa dapamohu da miedykaŭ. Pažar apieratyŭna łakalizavali i likvidavali. Pryčyna zdareńnia vyśviatlajecca.
0
0
0
0
0
0