Prakuror Rečyckaha rajona ŭ kastryčniku źviarnuŭsia ŭ sud rajona ŭ intaresach Rečyckaha dziaržaŭnaha ahrarnaha kaledža ab pazbaŭleńni navučenki prava samastojna rasparadžacca stypiendyjaj, piša dneprovec.by.
Niepaŭnaletniaja navučenka ahrarnaha kaledža na praciahu hoda dva razy pryciahvałasia da administracyjnaj adkaznaści za raśpićcio śpirtnoha ŭ hramadskim miescy. Kuplała ałkahol jana za hrošy sa stypiendyi.
Akramia taho, navučenka stajała na ŭliku ŭ padletkavaha doktara-narkołaha. Prafiłaktyčnaja rabota z boku Rečyckaha RAUS i ŭstanovy adukacyi nie davała stanoŭčaha vyniku.
Rašeńniem ad 15 listapada sud pazbaviŭ navučenku prava samastojna rasparadžacca stypiendyjaj. Pa ŭstupleńni rašeńnia ŭ zakonnuju siłu budzie vyznačana asoba, na jakuju ŭskładuć abaviazak atrymlivać i vydatkoŭvać hrošy ŭ intaresach navučenki.
Zhodna ź dziejnym zakanadaŭstvam, dziaržava zabiaśpiečvaje niedatykalnaść asoby dziciaci, abaraniaje ad uciahnieńnia ŭ złačynnuju dziejnaść, dałučeńnia da spirtnych napitkaŭ, niemiedycynskaha ŭžyvańnia narkatyčnych, taksičnych, psichatropnych i inšych mocnadziejnych adurmańvajučych rečyvaŭ.
U adpaviednaści z častkaj 4 artykuła 25 Hramadzianskaha kodeksa Respubliki Biełaruś pry najaŭnaści dastatkovych padstaŭ sud moža abmiežavać abo pazbavić niepaŭnaletniaha ad 14 da 18 hadoŭ prava samastojna rasparadžacca svaim zarobkam, stypiendyjaj ci inšymi prybytkami.
