Zachodniaja raźviedka maje źviestki, što Iran sioleta jak minimum siem razoŭ vypraboŭvaŭ rakiety siaredniaj dalnaści, što moža supiarečyć rezalucyi Savieta biaśpieki AAN. Z takim śćviardžeńniem vystupiła ŭ niadzielu hazieta Welt am Sonntag.
Pavodle jaje źviestak, niekatoryja ź ich zdolnyja dasiahnuć terytoryi paŭdniova-ŭschodnich krain Jeŭrasajuza. Zhodna ź infarmacyjaj, na jakuju spasyłajecca hazieta, Iran taksama ažyćciaviŭ piać testaŭ rakiet mienšaj dalnaści. U cełym dziaržava padvoiła kolkaść rakietnych vyprabavańniaŭ u paraŭnańni z 2017 hodam, piša štotydniovik.
1 śniežnia dziaržsakratar ZŠA Majkł Pampiea zajaviŭ, što Tehieran pravioŭ vyprabavańnie balistyčnaj rakiety siaredniaj dalnaści nasupierak rezalucyi 2231 Rady Biaśpieki AAN. U aŭtorak pa inicyjatyvie Francyi i Vialikabrytanii prajšli kansultacyi pa hetym pytańni. Členy Rady Biaśpieki AAN nie pryjšli da adzinaj dumki, ci źjaŭlajucca niadaŭnija rakietnyja vyprabavańni Irana parušeńniem rezalucyi.
Raniej MZS Irana zajaŭlaŭ, što kraina «nie vałodaje atamnaj zbrojaj i nia prajektuje rakiety dla asnaščeńnia ich jadziernymi zaradami».
