Milicyja šukaje mužčynu, jaki skraŭ i spaliŭ čužuju mašynu ŭ Bierazinie, a potym źniaŭ hrošy z čužoj kartki, paviedamlaje UUS Minabłvykankama.
Spačatku mužčyna skraŭ mašynu Volvo 40 — haspadar pakinuŭ mašynu pryparkavanaj z klučom u zamku zapalvańnia. Na načnoj lasnoj darozie złodziej urezaŭsia ŭ dreva. Jon kinuŭ mašynu i padpaliŭ jaje.
U sałonie mašyny ŭładalnik pakinuŭ bankaŭskuju kartu i zapisku ź PIN-kodam. Z rachunku źnikła 940 rubloŭ. Milicyja šukaje padazravanaha pa kadrach z kamier nazirańnia.
Usich, chto paznaŭ mužčynu na fota, prosiać paviedamić u apieratyŭna-dziažurnuju słužbu Biarezinskaha RAUS.
0
0
0
0
0
0
