Tyana Pierea z Chjustana (Techas) daviedałasia ab eratyčnych paviedamleńniach svajho bojfrenda, jakija jon pasyłaŭ inšaj dziaŭčynie. Ale amierykanka nie stała adrazu ładzić scen, mabyć, trymajučysia dumki, što pomsta — heta strava, jakuju padajuć chałodnaj. Akramia taho, jana vyrašyła zaźniać svoj tryumf na videa, piša life.ru.
Dziaŭčyna dačakałasia svajho 22-ha dnia naradžeńnia, sabrała haściej i pry ŭsich pryviała płan pomsty ŭ dziejańnie. Spačatku ništo nie pradviaščała biady. Prysutnyja napaŭniali kielichi, i Tyana padziakavała im za toje, što jany pryjšli na jaje śviata. Ale tut ašukanaja amierykanka pieraklučyłasia na svajho chłopca. Santas stajaŭ pobač, uśmichajučysia i ničoha nie padazrajučy.
Ciana Pierea. Fota: twitter/tianaperea__
«Ja chacieła b padziakavać Santasu za toje, što daŭ mnie zrazumieć, što ja zasłuhoŭvaju lepšaha. Kožny čałaviek tut viedaje, što ty sprabavaŭ pieraspać z druhoj dziaŭčynaj».
Ciana raspaviała, što ŭsie bačyli skrynšoty paviedamleńniaŭ seksualnaha charaktaru ź intymnymi videa, jakija jon adpraŭlaŭ inšaj dziaŭčynie i pamyliŭšysia pasłaŭ jašče i joj. I ŭ hety momant brat amierykanki spuściŭsia pa leśvicy z čornaj torbaj, u jakoj lažali rečy Santasa. Dziaŭčyna abviaściła ab razryvie i pakazała chłopcu na vychad.
«Kali ty jašče nie zrazumieŭ, to pamiž nami ŭsio skončana, a ciapier vali adsiul».
Pry hetym chłopiec, mabyć, byŭ tak ahałomšany, što nie vymaviŭ ni słova i cicha pajšoŭ. I paśla hetaha narešcie pačałasia sapraŭdnaja viesiałość. A paźniej dziaŭčyna vykłała rolik u «Tvitar», i jon staŭ virusnym. Videa z pomstaj siabroŭki i prysaromlenym zdradnikam pahladzieli amal 6 młn raz. I ŭ kamientarach pisali, što jana sapraŭdy prydumała niadrenny płan.
