Uładzimir Pucin i Alaksandr Łukašenka zaviaršyli pieramovy, jakija praciahvalisia čatyry hadziny. Pa mierkavańni naziralnikaŭ, najbolš vostrym pytańniem stała tema kampiensacyi Minsku strataŭ u dachodach ad padatkovaha manieŭru, jaki pravodzić Maskva. Rasijski ž bok chvaluje pytańnie pieryjadyčnych parušeńniaŭ Biełaruśsiu mytnaha režymu Sajuznaj dziaržavy, pieradaje TASS.
Čakałasia, što pieramovy buduć składanymi i napružanymi. Karystalniki sacyjalnych sietak źviarnuli ŭvahu na ruchi noh i ruk Pucina padčas jaho vitalnych słovaŭ i pramovy Łukašenki.
U videarepartažy — ad 00:43:
Sustreča pačałasia ŭ pašyranym farmacie z udziełam členaŭ delehacyj dźviuch krain. Z rasijskaha boku ŭ ich uziali ŭdzieł pieršy vice-premjer — ministr finansaŭ Anton Siłuanaŭ, kiraŭnik MZS Siarhiej Łaŭroŭ, vice-premjer Dźmitryj Kozak, ministr ekanamičnaha raźvićcia Maksim Areškin, a taksama pasoł RF u Biełarusi Michaił Babič.
Biełaruski bok pradstaŭlali vice-premjery Ihar Pietryšenka i Ihar Lašenka, ministr finansaŭ Biełarusi Maksim Jermałovič, kiraŭnik MZS Uładzimir Makiej i pasoł u Rasii Uładzimir Siamaška.
