GBU-43/B Massive Ordnance Air Blast (MOAB). Fota: deagel.com.
Miascovyja vajennyja analityki śćviardžajuć, što navinka zdolnaja źniščyć umacavańni, rasčyścić miesca pasadki i pasiejać paniku ŭ šerahach voraha. Pieravozić kitajskuju «maci ŭsich bombaŭ» zdolny bambavik Xi'an H-6K — kopija savieckaha Tu-16. Novaja zbroja praktyčna całkam zapaŭniaje bombaadsiek.
Stvaralnikam kitajskaj «maci ŭsich bombaŭ» źjaŭlajecca karparacyja Shina North Industries Group Corporation Limited. Choć navinka i nosić nazvu, anałahičnuju amierykanskaj bombie, kitajski bojeprypas mienš pa pamierach i lahčejšy, čym GBU-43/B.
Skaračeńnie MOAB časta rasšyfroŭvajuć jak Mother Of All Bombs — «maci ŭsich bombaŭ». MOAB važyć kala 10 ton, 8,4 ź jakich prypadaje na vybuchovaje rečyva H6. Siła vybuchu GBU-43/B składaje 11 ton u traciłavym ekvivalencie. U radyusie 140 mietraŭ ad epicentra vybuchu źniščajecca nie tolki piachota supiernika, ale i tanki. Častkovyja razbureńnia adbyvajucca na adlehłaści ŭ 1,5 km ad epicentra.
