Były pałkoŭnik HRU Siarhiej Skrypal i jaho dačka Julija, chutčej za ŭsio, zastalisia ŭ Vialikabrytanii paśla historyi z sprobaj atručvańnia. Pra heta piša The Telegraph sa spasyłkaj na svaje krynicy ŭ słužbach biaśpieki.
Jany miarkujuć, što Skrypaloŭ raźmiaścili na poŭdni Anhlii. Tam jany žyvuć pad nahladam vuzkaha koła miedycynskich ekśpiertaŭ. Imavierna, Julija navat atrymała pracu — surazmoŭcy vydańnia miarkujuć, što ź jaje viedańniem ruskaj movy heta było b prosta vyrašyć.
Pry hetym, niahledziačy na prahramu abarony śviedak, siamja zachoŭvaje kantakty ź niekalkimi blizkimi siabrami jak z Rasii, tak i ź Vialikabrytanii, niekatoryja ź ich navat naviedvali Skrypaloŭ letam, śćviardžajuć krynicy The Telegraph.
Juliju Skrypal vypisali ź lakarni 10 krasavika, jaje baćka vyjšaŭ 18 maja. Z tych časoŭ były pałkoŭnik nie kantaktavaŭ z presaj abo z aficyjnymi pradstaŭnikami ŭładaŭ. Jaho dačka dała adno intervju ahienctvu Reuters, u jakim raspaviała, što płanuje viartańnie ŭ Rasiju ŭ doŭhaterminovaj pierśpiektyvie, a pakul znachodzicca ŭ sakretnym prytułku ŭ Łondanie.
