Jak paviedamlaje bałharski sajt Faktor.bg, 24 studzienia zaviaršyłasia čarhovaje pasiadžeńnie Sinoda Bałharskaj Pravasłaŭnaj Carkvy, dzie asnoŭnaj temaj było ŭkrainskaje pytańnie. Prychilniki traich prarasiejskich mitrapalitaŭ Haŭryiła Łovieckaha, Iaana Varnienskaha i Daniiła Vidzinskaha praviali pierad budynkam Sinoda akcyju ŭ padtrymku pazicyi Maskoŭskaha Patryjarchata z zaklikam asudzić dziejańni patryjarcha Varfałamieja.
Da hetych mitrapalitaŭ ŭ Sinodzie taksama dałučylisia mitrapalit Ijanikij Ślivienski, Antonij Zachodniejeŭrapiejski, Sierafim Nieafit i Ryhor Uracanski, jakija padali prašeńnie patryjarchu i Sinodu padtrymać pazicyju RPC i jaje filijała va Ukrainie, terytaryjalnuju cełasnaść Maskoŭskaha Patryjarchata, u tym liku i za miežami RF, a taksama abviaścić Suśvietnaha Patryjarcha jeretykom.
U svaju čarhu patryjarch Bałharski Nieafit padkreśliŭ, što Ukraina źjaŭlajecca niezaležnaj krainaj, tamu pavinna mieć aŭtakiefalnuju carkvu. Jon pieradaŭ prośbu mitrapalitaŭ-rusafiłaŭ na razhlad kananičnaj kamisii. Patryjarcha padtrymali taksama mitrapality ZŠA, Kanady i Aŭstralii Iosif, Ryhor Vialikatyrnaŭski, Ihnat Plevienski, Mikałaj Płoŭdziŭski, Amvrosij Darastolski, Navum Rusienski i Cypryjan Starazahorski.
Takim čynam, prośba ab padtrymcy Maskoŭskaj carkvy nabrała 7 hałasoŭ, supraćlehłaje mierkavańnie atrymała 8 hałasoŭ.
