Z Traćciakoŭskaj halerei prapała adno z pałotnaŭ Kuindžy. Pra heta TASS paviedamili ŭ niadzielu ŭ pres-słužbie rasijskaha ministerstva kultury sa spasyłkaj na słovy dyrektara Departamienta muziejaŭ Uładzisłava Konanava.
Jon adznačyŭ, što na «dadzieny momant paćviardžajecca fakt adsutnaści raboty «Aj-Pietry. Krym» i najaŭnaść u Traćciakoŭskaj halerei vialikaj kolkaści palicejskich».
Paźniej aficyjny pradstaŭnik MUS Iryna Voŭk paviedamiła, što palicejskija ŭžo šukajuć nieviadomych, jakija vykrali karcinu Kuindžy.
«Palicyja vyśviatlaje nieviadomych, jakija vykrali karcinu Archipa Kuindžy. U palicyju źviarnulisia rabotniki achovy adnaho z muziejaŭ stalicy z paviedamleńniem pra toje, što pry ažyćciaŭleńni videanazirańnia za ekspazicyjaj jany ŭbačyli, što nieviadomyja asoby źniali sa ściany adnoj z załaŭ karcinu i źbiehli ź miesca zdareńnia. Supracoŭnikami vyśvietlena, što vykradziena rabota Archipa Kuindžy «Aj-Pietry. Krym», — skazała jana.
Padazravanaha ŭ kradziažy karciny Kuindžy z Traćciakoŭki zatrymali
