Fota: wikipedia.org.
National Enquirer apublikavaŭ fota Biezasa z byłoj televiadučaj Łaren Sančes jašče da taho, jak stała viadoma pra jaho razvod z žonkaj Makienzi. Biznesmien paličyŭ, što heta źviazana z palitykaj: jon vałodaje vydańniem Washington Post, jakoje rehularna krytykuje prezidenta ZŠA Donalda Trampa, tady jak Devid Pekier padtrymlivaje amierykanskaha lidara.
Biezas pačaŭ rasśledavańnie, kab vyśvietlić, ci jość u skandału palityčnyja matyvy. Paśla hetaha jon atrymaŭ list ad Fajna, dzie toj zajaviŭ, što vydańnie apublikuje novuju sieryju zdymkaŭ, kali jon nie spynić rasśledavańnie. Advakat padmacavaŭ list padrabiaznym apisańniem intymnych detalaŭ, zachavanych na fota.
Fajn zapatrabavaŭ zrabić publičnuju zajavu ab tym, što zychodnyja publikacyi pra asabistaje žyćcio Biezasa nijak nie źviazanyja z palitykaj. Miljarder padkreśliŭ, što jon nie budzie vystupać z zajavami z-za strachu być vykrytym. «Zamiest taho, kab paddacca vymahalnictvu i šantažu, ja vyrašyŭ apublikavać toje, što jany mnie dasłali, niahledziačy na niazručnyja dla mianie asabistyja padrabiaznaści», — skazaŭ Biezas.
