Prezident Rasii Uładzimir Pucin abmierkavaŭ z pastajannymi členami Rady biaśpieki Rasii svaje najbližejšyja kantakty z prezidentami Biełarusi, Turcyi i Irana, a taksama šerah unutryrasijskich pytańniaŭ, paviedamlaje TASS.
Fota: kremlin.ru.
«Na apieratyŭnaj naradzie z pastajannymi členami Rady biaśpieki adbyŭsia abmien dumkami pa roznych aśpiektach rasijska-biełaruskich sajuznych adnosin napiaredadni pryznačanaha na nastupnuju sieradu [13 lutaha] pracoŭnaha vizitu prezidenta Biełarusi Alaksandra Łukašenki ŭ Rasiju i jaho pieramoŭ z Uładzimiram Pucinym», — skazaŭ pres-sakratar Pucina Piaskoŭ.
U naradzie ŭziali ŭdzieł premjer-ministr Dźmitryj Miadźviedzieŭ, śpikier Rady Fiederacyi Valancina Maćvijenka, kiraŭnik administracyi Kramla Anton Vajno, sakratar Rady biaśpieki Mikałaj Patrušaŭ, ministry abarony Siarhiej Šajhu, zamiežnych spraŭ Siarhiej Łaŭroŭ i ŭnutranych spraŭ Uładzimir Kałakolcaŭ, kiraŭniki FSB i SVR — Alaksandr Bortnikaŭ i Siarhiej Naryškin, a taksama śpiecpradstaŭnik prezidenta pa pytańniach pryrodaachoŭnaj dziejnaści, ekałohii i transpartu Siarhiej Ivanoŭ.
