Barysaŭski BATE ŭ Dzień usich zakachanych pravioŭ pieršy matč 1/16 finału Lihi Jeŭropy. U Biełaruś pryjechaŭ łondanski «Arsienał». Dva hady tamu anhlijski kłub užo pryjazdžaŭ u Barysaŭ i tady hulnia skončyłasia ź likam 2:4 na karyść «Arsienała».
Fota: Siarhiej Hudzilin.
Pierad matčam BATE sutyknuŭsia z šeraham kadravych prablem. Kamandu ŭ mižsiezońni pakinuli mnohija hulcy, jakija byli lidarami kamandy letaś. U Sierbiju źjechali Niemańja Miłunavič i Mirka Ivanič, u Rasiju — Maksim Vaładźko i Dzianis Palakoŭ, u Kazachstan — Michaił Hardziajčuk.
Fota: Siarhiej Hudzilin.
Plus da ŭsiaho hulać u lutym nie zusim zvykła dla biełaruskich kłubaŭ. Chacia dva papiarednija dośviedy ŭdziełu ŭ takoj stadyi nielha nazvać niaŭdałymi. U 2011 była ničyja doma z PSŽ 2:2, a ŭ 2013 — 0:0 u chatnim matčy z «Fienierbachče». Doma ŭ lutym BATE pakul nie prajhravaŭ.
Fota: Siarhiej Hudzilin.
Fota: Siarhiej Hudzilin.
Što tyčycca «Arsienała», to kamanda zmahajecca za toje, kab trapić u Lihu čempijonaŭ ad pieršynstva Anhlii, adnaho z najmacniejšych u śviecie. U składzie kamandy ŭ Barysaŭ pryjechali mnohija zorki, jak Mchitaran, Lakazet, Čech, Abamiejanh, Kasielni. Hulać suprać takoha supiernika niaprosta ŭsim.
Fota: Siarhiej Hudzilin.
«Arsienał» moh zabivać, mabyć, užo ŭ pieršaj asensavanaj atacy ŭ matčy. Lakazet faktyčna rasstrelvaŭ va ŭpor našu bramu, ale Dzianis Ščarbicki paśpieŭ zreahavać na miač. Zabi ŭ hetaj atacy «Arsienał», to hulnia vidavočna mahła b skłaścisia pa-inšamu.
Fota: Siarhiej Hudzilin.
«Arsienał» šmat atakavaŭ u pieršyja chviliny. Asabliva šmat niebiaśpieki sychodziła ź levaha fłanha ataki łondancaŭ. Za słavutymi supiernikami nie zaŭsiody paśpiavaŭ Alaksiej Ryas.
Fota: Siarhiej Hudzilin.
Pad siaredzinu pieršaha tajma BATE trošku aśmialeŭ u atacy. I ŭžo navabraniec kamandy Milič praviaraŭ Čecha pry ŭdary ŭ blizkim kucie. Słavuty bramnik nie schibiŭ.
Klučavy momant pieršaha tajma adbyŭsia na apošniaj chvilinie. BATE atrymaŭ prava na štrafny niedaloka ad varot «Arsienała». Da miača padyšoŭ kapitan kamandy Ihar Stasievič. I jahony pas atrymaŭsia idealnym. Pieršym na miačy byŭ Stanisłaŭ Drahun, jaki hałavoj pieravioŭ jaho ŭ varoty — 1:0. Amal paŭniutki stadyjon vybuchnuŭ u ščaślivym paryvie.
Fota: Siarhiej Hudzilin.
U druhim tajmie «Arsienał» vałodaŭ inicyjatyvaj. Było adčuvalna, što siłaŭ u hulcoŭ BATE nie tak šmat. Ale nichto łondancam tak i nie dapamoh. Navat hrozny forvard Abamiejanh, jaki vyjšaŭ na zamienu. Siensacyjnaja pieramoha biełarusaŭ — 1:0.
Hulnia ŭ adkaz adbudziecca praz tydzień na stadyjonie «Emirejts» u Łondanie. Šaniec prajści «Arsienał» staŭ vielmi vyraznym.
Fota: Siarhiej Hudzilin.
Fota: Siarhiej Hudzilin.
Fota: Siarhiej Hudzilin.
Fota: Siarhiej Hudzilin.
