Ministr zapeŭniła, što Paŭnočnaatłantyčny aljans «zastajecca numaram adzin dla našaj biaśpieki», a abaronnaje supracoŭnictva ŭ ramkach ES dapaŭniaje nataŭskaje supracoŭnictva.
U svaim vystupie jana pryznała, što Jeŭropa ciapier znachodzicca ŭ pracesie pierahladu svaich pohladaŭ na suśvietnuju biaśpieku, i hety praces byŭ spravakavany Maskvoj: tolki paśla napadu Rasii na Ukrainu Jeŭropa ŭśviadomiła nieabchodnaść naroščvać vajskovyja mahutnaści.
«Patrebna była vajennaja ahresija suprać Ukrainy, kab my źmianili kurs. Z 2014 hoda biudžet jeŭrapiejskich siabraŭ NATA ŭžo vyras na 36%. My płanujem vialikuju madernizacyju vajskovych mahutnaściaŭ da 2024 hoda », — zajaviła jana.
Ursuła fon der Lajien padkreśliła, što napieradzie — jašče bolšy rost vydatkaŭ. «My pavinny zrabić jašče bolš. Asabliva my, niemcy. My prytrymlivajemsia mety 2% VUP (na abaronnyja vydatki) i dali takoje abaviazacielstva sajuźnikam», — patłumačyła ministr.
Varta adznačyć, što da niadaŭniaha času niamieckaje kiraŭnictva vyklučała takuju mahčymaść i płanavała spynicca na pakazčyku 1,5%. U pryvatnaści, hod tamu ŭ vystupie na Miunchienskaj kanfierencyi tahačasny kiraŭnik MZS zapeŭnivaŭ, što Bierlin nie daść 2% VUP na abaronu, tamu što heta budzie aznačać militaryzacyju.
