dev.by
U 2018 hodzie kampanija EPAM Systems, bujny suśvietny vytvorca prahramnaha zabieśpiačeńnia ź biełaruskimi karaniami, pavialičyła vyručku na 27% da 1,84 młrd dalaraŭ u paraŭnańni z 2017 hodam. Pra heta havorycca ŭ paviedamleńni kampanii, piša Tut.by.
Apieracyjny prybytak kampanii za minuły hod skłaŭ 245,8 młn dalaraŭ. Heta na 72,8 młn dalaraŭ, abo na 42,1%, bolš, čym u 2017-m hodzie. Čysty prybytak vyras u 3 razy da 240 młn dalaraŭ.
U 2019 hodzie kampanija EPAM čakaje rostu vyručki na 22%. Takim čynam, jana pieravysić 2,2 młrd dalaraŭ. Prybytak moža skłaści 12,5-13,5% ad vyručki, heta značyć budzie na ŭzroŭni minułaha hoda.
Kampanija taksama paviedamiła ab tym, što ŭ štacie EPAM Systems pracujuć 30 200 čałaviek. Tracina ź ich pracuje ŭ Biełarusi. Centr raspracoŭki EPAM źjaŭlajecca najbujniejšym rezidentam Parku vysokich technałohij.
