Fota Siarhieja Hudzilina
Hałoŭnaja spartyŭnaja padzieja lutaha: Minskaja łyžnia, čempijanat Jeŭropy pa bijatłonie ŭ Raŭbičach, abo apošnija hulni chakiejnaha «Dynama» ŭ KCHŁ? Nie! Adnaznačna, što heta dvuboj BATE i «Arsienała» ŭ 1/16 finału Lihi Jeŭropy.
Tydzień tamu ŭ Barysavie BATE siensacyjna pieramoh 1:0. Siońnia navat dastatkova sastupić ź minimalnym likam, zabiŭšy minimum adzin hoł: 1:2, 2:3 i h.d. Za košt miača ŭ haściach biełarusy vyjduć u nastupny raŭnd.
Praŭda, u śniežni 2017 hoda BATE ŭ hrupavym raŭndzie Lihi Jeŭropy biez varyjantaŭ prajhraŭ «Arsienału» ź likam 0:6, i siońnia bukmiekiery ličać «kananiraŭ» biassprečnym favarytam.
BATE, prajšoŭšy «Arsienał», upieršyniu vyjdzie ŭ 1/8 finału Lihi Jeŭropy. Pierad hetym jaho spynili PSŽ i «Fienierbachče».
Siońnia na stadyjon «Emirejts» vyjdzie Alaksandr Hleb, jaki svaje najlepšyja hady pravioŭ mienavita ŭ «Arsienale» (2005—2008). Dobry pryjom jamu zabiaśpiečany.
Takim čynam «Arsienał» — BATE. 20:55, Biełaruś-5.