Sportnaviny
Byłaja biełaruskaja bijatłanistka, šmatrazovaja miedalistka čempijanataŭ śvietu i Jeŭropy Volha Nazarava, jakaja pierajšła sa zbornaj Rasii ŭ kamandu Biełarusi ŭ 2000 hodzie, raspaviała pra svajo staŭleńnie da biełaruskaj movy. Uradženka Omska vyvučaje jaje razam sa svaimi dziećmi-školnikami, adznačaje Presboł.
«Ź cikavaściu vyjaviła, što litaralna napiaredadni adbyŭsia «Dzień rodnaj movy». Heta vielmi pryjemna, i ja ź vialikaj pavahaj staŭlusia da ludziej, jakija havorać na svajoj rodnaj movie. Heta vielmi važna, kab nie zabycca tradycyi, zvyčai i karani svajho naroda.
Biełaruskaja mova vielmi pryhožaja. U apošni čas razam sa svaimi dziećmi, jakija vučacca ŭ škole, ja taksama pačała patrochu vyvučać biełaruskuju movu, i hanarusia, što ŭžo mahu ŭsio razumieć. Razmaŭlać, praŭda, pakul atrymlivajecca trochi horš, ale niadaŭna mianie zaprašali na intervju na radyjo, i ja hanaryłasia, što nikolki nie razhubiłasia z-za taho, što viadučy razmaŭlaŭ pa-biełarusku. Pa-mojmu, heta vielmi važna dla padtrymańnia kultury našaj krainy», — cytuje Nazaravu sb.by.
