Uviečary 25 lutaha ŭ milicyju pastupiła paviedamleńnie, što ŭ adnym homielskim dvary žyhuli ŭrezalisia ŭ łavačku i adlacieli ŭ słup. Pry hetym kiroŭca ź miesca DTZ źbieh.
Na miesca zdareńnia vyjechali supracoŭniki DAI. Vyśvietliłasia, što ŭładalnik aŭto ŭ hety čas byŭ doma, nikudy nie vyjazdžaŭ. Pravaachoŭniki apytali vidavočcaŭ avaryi. Tak źjaviŭsia pryblizny partret złamyśnika. Milicyjanty ahledzieli susiednija dvary.
Vyvučajučy zapis z kamiery videanazirańnia ŭ adnoj z kram, paznali pa prykmietach hetaha čałavieka. Nieŭzabavie atrymałasia vyśvietlić asobu złačynca. Pravaachoŭniki vyjechali da jaho dadomu, dzie i zatrymali.
U momant ździajśnieńnia złačynstva 25-hadovy chłopiec byŭ pjany, vinu pryznaŭ, ale svoj učynak rastłumačyć nie zmoh.
