hrodna.life
Milicyja padazraje 29-hadovuju žycharku Vilejskaha rajona ŭ zahadzia łžyvym danosie. Žančyna zajaviła, što ŭ jaje skrali 50 dalaraŭ ZŠA.
Pieršy namieśnik načalnika Vilejskaha RAUS, načalnik kryminalnaj milicyi Dźmitry Suchocki raspavioŭ mlyn.by:
— Žančyna ŭ Vilejcy najmała kvateru. Na paru miesiacaŭ zatrymała apłatu arendy. Haspadar, nie spadziejučysia, što kvateranajmalnica ź im raźličycca, vyrašyŭ jaje vysielić. U adpłatu žančyna nabrała numar 102 i zajaviła, što na padakońniku najmanaj kvatery pakinuła 50 dołaraŭ ZŠA. Nibyta paśla vizitu haspadara dołary źnikli, a klučy ad kvatery byli tolki ŭ jaho.
Pa słovach Dźmitryja Suchockaha, apieratyŭnyja rabotniki milicyi, jakija prybyli na miesca, pierakanalisia, što dźviery ŭ kvateru nie ŭzłamanaja, zamok taksama ceły. U vyniku vyśvietliłasia, što nijakich dołaraŭ haspadar nie braŭ, a žančyna ŭsio heta prydumała.
Vyrašajecca pytańnie ab uzbudžeńni kryminalnaj spravy pa artykule «Zahadzia łžyvy danos ab ździajśnieńni złačynstva».
Za heta pa pryhavory suda možna atrymać štraf ci aryšt, abo abmiežavańnie voli na termin da troch hadoŭ, abo pazbaŭleńnie voli na toj ža termin.
