Žychary Hrodna dapamahli pravaachoŭnikam zatrymać dvuch niećviarozych kiroŭcaŭ, paviedamlaje gaigrodno.by.
28 lutaha na vulicy Mahistralnaj kiroŭca «Dodža» na pačatku 11:00 pabačyŭ, jak hruzavy «HAZ» vichlaŭ pa prajeznaj častcy. Mašyna viezła tavar z vulicy Karskaha ŭ kramu na vulicu Kabiaka. Pierad kalcavoj raźviazkaj kiroŭca «Dodža» spyniŭsia pobač z aŭtafurhonam, adčyniŭ dźviery i zrazumieŭ, što za rulom pjany. Tady jon zahłušyŭ ruchavik i zabraŭ u kiroŭcy kluč ad zamka zapalvańnia.
Kiroŭca hruzavika zajaviŭ, što harełku piŭ napiaredadni. Pry hetym ŭtrymańnie ałkaholu ŭ jaho amal u vosiem razoŭ pieravysiła hranična dapuščalnuju normu.
Jašče adnaho pjanaha kiroŭcu zatrymali a šostaj hadzinie ranicy 1 sakavika. Pra junaka na «Falksvahienie» paviedamili ŭ DAI vidavočcy. Chłopiec vypiŭ piva i jechaŭ da siastry pieranačavać. Na vulicy Brykiela jaho spyniŭ narad DPS. Utrymańnie ałkaholu ŭ kiroŭcy pieravyšała normu bolš jak u čatyry razy. Chłopiec atrymaŭ prava kiravańnia krychu bolš za hod tamu, ale na bližejšyja try hady zastaniecca bieź ich.
