Pra heta paviedamiŭ BiełTA dyrektar Departamienta pa avijacyi Ministerstva transpartu i kamunikacyj Arciom Sikorski.
Jon udakładniŭ, što zaraz samaloty hetaj madeli ŭ Biełarusi nie ekspłuatujucca. U mai płanavałasia atrymać pieršyja pavietranyja sudny čaćviortaha pakaleńnia Boeing 737 MAX. «Pytańnie ich ekspłuatacyi ŭ Biełarusi budzie vyrašacca z ulikam źniaćcia zabarony na ekspłuatacyju pavietranaha sudna Boeing 737 sieryi MACH z boku Jeŭrapiejskaha ahienctva pa biaśpiecy palotaŭ i Fiederalnaha ŭpraŭleńnia avijacyi ZŠA, — dadaŭ kiraŭnik departamienta.
Napiaredadni Jeŭrapiejskaje ahienctva pa biaśpiecy palotaŭ u jakaści miery zaściarohi paśla katastrofy z pavietranym sudnam Boeing 737 MACH 8 avijakampanii Ethiopian Airlines ŭviało ŭ dziejańnie dyrektyvu ab lotnaj prydatnaści, a taksama dyrektyvu pa biaśpiecy, jakaja prypyniaje ŭsie kamiercyjnyja rejsy, jakija vykonvajucca apieratarami trecich krain ŭnutry abo za miežami Jeŭrapiejskaha sajuza na samalotach madelaŭ Boeing 737 MAX 8 i 737 MAX 9.