Biełaruś u nastupnyja dva hady raźmieścić dziaržaŭnyja ablihacyi ŭ Rasijskaj Fiederacyi na sumu da 30 młrd rasiejskich rubloŭ (na siońnia heta 466,6 młn dalaraŭ). Pra heta havorycca ŭ pastanovie Savieta ministraŭ, apublikavanym u sieradu na nacyjanalnym pravavym internet-partale.
«Ministerstvu finansaŭ ažyćciavić u 2019-2020 hadach emisiju dziaržaŭnych kaštoŭnych papier Respubliki Biełaruś na sumu da 30 młrd rasiejskich rubloŭ (uklučna) z terminam abaračeńnia nie mienš za 1092 dzion na terytoryi Rasijskaj Fiederacyi», - adznačajecca ŭ dakumiencie, padpisanym premjer-ministram Siarhiejem Rumasam.
Dakumientam vyznačana, što hrašovyja srodki, atrymanyja ad raźmiaščeńnia dziaržaŭnych kaštoŭnych papier, buduć zaličvacca na bankaŭski rachunak Ministerstva finansaŭ Biełarusi, adkryty AT «Hazprambank» (RF). Urad upaŭnavažyŭ ministerstva justycyi na pradstaŭleńnie ŭ adras Centralnaha banka Rasijskaj Fiederacyi zaklučeńnia ab adpaviednaści raźmiaščeńnia i (abo) publičnaha zvarotu dziaržaŭnych kaštoŭnych papier u RF patrabavańniam zakanadaŭstva Biełarusi.
