Ranicaj 20 sakavika byŭ zatrymany anarchist Źmicier Palijenka.
Pa viersii jaho siabroŭki, chłopiec čakaŭ znajomaha na leśvičnaj placoŭcy, dzie jaho zaŭvažyŭ «pjany i ahresiŭny susied, jakomu nie spadabałasia, što Palijenka tam znachodzicca». Mužčyna nibyta pačaŭ abražać chłopca, udaryŭ jaho pa tvary, paśla čaho Palijenka ŭžyŭ suprać apanienta bałončyk z hazam.
Pa dadzienych śledstva, adbyłosia ŭsio 13 sakavika pryblizna kala 20:00 na leśvičnaj placoŭcy adnaho z damoŭ pa vulicy Hurskaha ŭ Minsku.
Ale viersija śledstva zusim inšaja. U SK paviedamili, što žychar doma zaŭvažyŭ na leśvičnaj placoŭcy nieznajomaha chłopca. Chłopiec kuryŭ. Mužčyna zrabiŭ zaŭvahu, za što jamu ŭ tvar adrazu pyrsnuli z hazavaha bałončyka.
Tym chłopcam, jak padazrajuć śledčyja, byŭ Źmicier Palijenka, jakoha zatrymali 20 sakavika.
Rasśledavańnie kryminalnaj spravy praciahvajecca, paviedamlaje SK.
