Fiederalny kamitet pa adkrytych rynkach FRS (Fiederalnaj reziervovaj sistemy) ZŠA pryniaŭ rašeńnie zachavać bazavuju staŭku na raniejšym uzroŭni 2,25-2,5%.
Pradstaŭniki FRS taksama paviedamili, što nie płanujuć pavyšać staŭku u 2019 hodzie ŭ suviazi z aściarohami ab niedastatkovych tempach rostu ekanomiki. Papiarednija prahnozy płanavali adno abo dva pavyšeńnia za hety pieryjad.
Staŭka pavyšałasia na praciahu apošnich troch hadoŭ. U 2018 hodzie było try pavyšeńni na 0,25 pracentnych punkta.
Pavyšeńnie stavak FRS zvyčajna pryvodzić da padaražeńnia dalara ŭ adnosinach da inšych valut.
Ciapier naadvarot, dalar tańnieje adnosna inšych valut. Tak u Biełarusi rubiel umacavaŭsia da dalara z pačatku hoda na šeść kapiejek (3 studzienia kurs byŭ 2,1788, kurs na 21 sakavika — 2,1057).